اللي يبينا عيّت النفس تبغيه

القصه لـ نوره بنت حوشان بن علي بن دخيل الله بن مدعث الحوشان من العونه من بني رشيد

ونوره الحوشان شاعره معروفه ويشهد لها بكرمها وعطفها علىالفقراء والمساكين بشهادة كبار السن ومايتناقلونه من اخبار عنها وقد تزوجها عْبود بن علي بن سويلم الشلواني ورزقت منه بولد اسمته حوشان على ابيها وابنةً اسمتها ساره والفنان عبد الله هو حفيدها ابن ولدها حوشان

من قصائدها المشهوره وقصتها

كانت تعيش مع زوجها عْبود بن علي بن سويلم وقد وقع بينهما خلاف ادى الى طلاقها طلاقاً لا رجعت فيه وبعد طلاقها تقدم الكثير طالبين الزواج منها حيث انها امرأه جميله ومن عائله معروفه ومحافظه وقد رفضت الزواج بعد زوجها عبود وذات يوم كانت تسير على طريقاً يمر بمزرعة مطلقها وبصحبتها اولادها منه وعندما مرت بمزرعته رأته فوقفت على ناصية المزرعه وانطلق الاولاد للسلام على ابيهم وبقيت تنتظرهم الى ان رجعوا من عنده فأخذتهم واكملت مسيرها وقد تذكرت ايامها معه وتذكرت من تقدم الى خطبتها بعد طلاقها ورفضها له فقالت هذه القصيده الّتي تحتوي على اخر بيت اصبح مثلاً دارجا يقال على السنة الكثير من الناس ..



ياعين هللي صافي الدمع هليه =واليا انتها صافيه هاتي سريبه

ياعين شوفي زرع خللك وراعيه = شوفي معاويده وشوفي قليبه

امـنـولٍ دايـم الـ رايــه انـمـالـيـه =والـيـوم جـيتهـم عـلينا صـعـيبه

وان مرني بالدرب ماقـدر احاكيه= امصـيبتٍ يا كبـرها من مصـيبـه

اللي يبينا عـيّـت النفـس تبغـيـه = واللي نبي عيا البخت لا يـجيبه


يآ ويل قلبي على القصه والقصيده
من أروع الحكآيآت والله يآفيهآ من العفه والحشمه
وطبوع الأوليين الشي الكثيييير
الله يرحمهم جميـع