من طرف السفـــاح السبت أغسطس 14, 2010 4:19 amاقسى ايام حياتي
انا كان لي جدتي ام ابوي متعلقه فيها بالحيل كانت من احن الناس علي كانت جدتي بس !!!!!ماكانت تصرفتها تصرفات جده كانت صديقه حنون واخت عطوف علي كنت احبها موت ومتعلقه فيها الى حد الجنون كنت انتظر وقت صرفت دوامي المدرسي بس كرمال اشوفها
كان وضعها الصحي سيئ ومو مستقر ابد وفجائه انتكس حالها ونومنها بمستشفى بالرياض عند عمي ووقتها كان رمضان وتونا مااجزنا كان اخر يوم دوام برمضان كنت جالسه عند التي في اتفرج واغني واستهبل كالعاده لكن فجائه سمعت صوت زلزل كياني
صوت امي<<<<<تقول اشهد ان لاااااااااااااااااا اله الا الله اشهد ان لاااااااااااااااااااا اله الا الله <<<تقولها بمراره وفي صوتها نبرات الم وبكى جاها اتصال من زوجه عمي تقول لها فيه ان جدتي عطتنا عمرها
انا جيت ورجليني ماتحملني اشوف امي والشغاله واخواني يصيحون راح عن بالي انها جدتي استبعدت الموضوع وحاولت ماافكر فيه سالت امي يمه ابوي فيه شي؟؟؟؟؟؟وكل هذا عشان ماافكر ان جدتي سار لها شي احاول اقنع نفسي انها بخير
الا وامي توقف وتمسكني من كتوفي لانها عارفه اني متعلقه بجدتي حيل ضربت على صدري وسمت علي قالت يمه وحدي ربك انا جمدت عضامي قلت يمه ابوي فيهه شي قالت ابوك بخير بس !!!!!جدتك عطتك عمرها <<<<<طاحت على سمعي زي الصاعقه وحاولت مااصدق ابد الموضوع مسكت روحي وحاولت استوعب الموضوع لكن ؟؟؟بدون امل ابدا مافي مجال اتجاهل الاحساس الي احس فيه احساسي كان صدمه مخلوطه بحزن عميق عقد لساني لدرجه اني مابكيت ولا نزل مني دمعه وحده كنت احس اني منهاره وقلبي يموت ويصيح بس عجزت اصدق جلست مكاني مو مصدقه امي تكلمني وانا ماارد وكاني ماسمع صوتها اشوف شفايفها تتحرك بس مادري اش تقول شوي دخل ابوي ولمني وبكى على امه بمراره وانا!!!!!ابد نفسي ثقيل عيوني مارفت لساني مانطق دموعي جافه اناضرهم وانا مكذبتهم كلهم بس ماتكلمت سافرنا ديرتنا عشان ندفنها والكل تجمع وبيتنا بالديره قريب من المقبره يعني نشوفها واحنا جالسين الحريم يعزونا وانا مصدومه وماني مصدقتهم كل الي احسه ان ودي اصرخ بوجيههم واقولهم انتو كذابين لا تعزوني فيها ماماتت لكن اعجزت اتكلم من قو الصدمه بس؟؟؟؟يوم شفت جمس ابوي الي جثمانها فيه وورى الجمس سيارات كثير الي رايحين يدفنونها طالعين صوب المقبره وقتها تاكدت ان الموضوع حقيقي وكان الي بصدري بركان وثار فجائه ماحسيت بروحي الا وقفت وامسك على صدري واصيح باعلى صوتي لا كذب لا مابي ابي اشوفها لا تدفنونها ابيها خلوني اسلم عليها خذوني معها الله يخليكم كل الحريم الي كانو حاضرين قامو امي عماتي بنات عمي يحاولون يمسكوني يهدوني وانا عجزت كان كل شي فيني منهار يبكي حتى اني عجزت اوقف على رجليني اصرخ بكل مافيني امي انهارت وسارت تقول اذكري ربك وحدي الله يمه مايجوز لكن عجزت كل شي فيني كان منهار يبيها سارت صورها وهي تضحك وتسولف وانا اغني لها فراشها غرفتها نومتي بحضنها طريقتها بخصامي كل شي يمر قدام عيوني حتى صوري معها وانا صغيره فكيت نفسي منهم ورحت ركض لغرفتي وخطاي اش ثقلها ادور البوم صوري معها وانثر صورها وابكي اصيح بكل مافيني جدتي لا تروحين تكفين اخذيني معك بالقوه هديت لكن بقيت فيني الصدمه واخذت شهر على ماتاقلمت على الموضوع وخصوصا اني كنت امر بجنب غرفتها كل شوي لان كان لها غرفه في بيتنا قريبه من غرفتي تعودت شوي شوي على الفكره وسرت اصبر نفسي واقول ان شالله ربي يجمعني فيها بالجنه
الله يرحمها ويرحم اموات المسلمين
» شريط اهداءات
» مرحبااااااااااااااااااا
» بلييييييييييييييييييز يجب النتباه
» هل الطيبة عيب أم ميزة ؟؟؟
» امسيه شعريه
» تحــــدى اكــبر هاكر يخترقكـ مع Dr.YoUseF
» اقوى برنامج لا سرقة الايميلت جديد 2008
» اكبر مكتبة برامج هاكر هديه للمنتدى-ايش ما يخطر عبالك موجود